الثورة خلصت

• الثورة خلصت خلاص و شباب الثورة نفضوا إيديهم و سابوا الشارع يحكموة السلفيين الذين لم يشاركوا في الثورة اصلا لقناعتهم أن الخروج علي الحاكم هو خروج عن طاعة اللة، فترك السلفيين ليمرحوا بحرية لم يحاربوا علشانها أصلا و ياليتهم حتي قدروا و احترموا هذة الحرية .


• الثورة خلصت و شباب الثورة روحوا بيوتهم و بدلا من أن يخرج أحدا منهم ليحمينا من بلطجية العهد الجديد ، تركونا لافكار تفرض علينا بدلا من أن يخرج أحدا منهم ليقودنا إلي مرحلة جديدة تخرج بنا من ظلال الأزمة المحيطة بنا تركونا لقيادة محمد حسان و برامج صفوت حجازي و أراء حسين يعقوب الذي أستقبل أستقبال الأبطال في جامعة القاهرة (و هو ليس منبرة) و غيرهم ليملوا علينا فكرهم و تفسيرهم و منهجهم في الدين ، ليرهبوا أخواننا المسيحيين بلا وازع من ضمير و لا أي رادع.


• الثورة خلصت و شباب الثورة عاد إلي مواقعة خلف اللاب توب ، و تركوا الشارع للإخوان و السلفيين و حتي لا اكون غير حيادية أيضا للمتطرفيين من المسيحيين


• الثورة خلصت و فجأة بعد ما كنا جماعة بقينا شتات، بعد ما كنا حاسين أننا حنتنفس هوا الحرية و أن كل اللي في نفسة حاجة حيقولها و ما فاتش شهرين و ظهرت دكتاتورية العهد الجديد تحت شعار " كل حاجة حرام إلا ما حلل".


• الثورة خلصت لأني ما شفتش شباب الثورة هاج و ماج مدافعا عن الحريات التي انتهكت و سابنا ضهرنا مكشوف للسلفيين اللي لاقوها فرصة بعد ما شباب الثورة انسحب.


• الثورة خلصت لما بصيت ما لقيتش الشباب اللي كان بيدافع عن أختة في ميدان التحرير علشان محدش يعاكسها و اللي وقف كتف بكتف مع اخوة المسيحي في قلب الميدان مش خايفمن حسني و لا كلابة ، ما لقيتوش خرج علشان يدافع عن حق أختة في أنها تكشف وجهها ، و لا عن كرامة أختة في مواجهة ما قالة الشيخ يعقوب في الجامعة أن أخطر شيء علي الشباب هما البنات علي أعتبار أن البنات مش شباب مش مصدقني إقرا اللينك دةhttp://http://www.dostor.org/politics/egypt/11/may/16/42329


• الثورة خلصت و أنا بأدعي من قلبي لرب العالمين أننا أكون غلطانة و يكون كل اللي فية مصر دة هم و حينزاح و يرجع شباب الثورة تاني مش بمظاهرات و لا اعتصامات بس بمواقف تيبن للكا أن الثورة ماخلصتش و الخفافيش التي أختبأت في الظلام كثيرا تعرف أنها ليست وحدها المؤثرة في الشارع .

تحديث: كنت قد أنتهيت م المقال عندما شاهدت في التليفزيون علي قناة اليوم مجموعة من شباب الثورة في حوار ..... لسة بيتكلموا عن الثورة المضادة و عن أن الفتنة الطائفية مصدرها أجهزة الامن ........... أخشي أن بعضهم لازال يعيش في يوم 12 فبراير و لم يتخطاة ليري حجم الخطر.