عن الحمار الوطني أحدثكم

بما أن الحوار الوطني اوشك علي الأنتهاء و الواحد ما فتحش بقة و لا علق علية ، من حق الواحد يتبحبح بقي و يتكلم انا عايزة افهم مين اللي قال أن الناس اللي قاعدة في الحوار الوطني دة بتمثل الشعب ،،، المفروض أن اناس دي بتتكلم في قرارات مصيرية و تخطيط لكيفية إدارة مصر في المرحلة المقبلة ،،،، أنا عايزة أعرف بقي هما بيمثلوا مين ،،،، انا عن نفسي مارشحتش حد علشان يتكلم باسمي في الحوار الوطني،،، و لا أعرف حد في محيط معارفي يعرف حد و لارشح حد من الناس اللي قاعدين؟؟؟؟ مين دول؟؟؟؟؟ مع كل أحترامي لكل الاسامي الموجودة من عمرو حمزاوي و خالد تليمة و غيرة و غيرة ،،،،، أنتوا عملتوا استفتاء علي الاسامي دي ،،،، يعني الناس اختارتهم علشان يتكلموا باسمهم في الحوار الوطني دة؟؟؟؟ أمال بيتكلموا بأمارة أية عن مستقبل مصر مين قال أصلا أنهم بيمثلوا مصر؟؟؟؟؟؟؟ أنا معرفهمش أنت تعرف حد منهم ،،،،، قعدوا مثلا أتكلموا مع الناس الي تعرفهم في ندوة في أي مركز شباب جنب بيتك؟؟؟؟؟ راحو للست اللي بتبيع عيش في سوهاج و اخدوا رأيها و لا راحوا اتكلموا مع الراجل اللي محني ضهرة في الزرعة في كفر الشيخ؟؟؟؟؟؟ مييييييييييييييييييييييييييييييييييييييييييييين دول؟
يتكلموا عن مصر بأمارة أية و جايين يعترضوا علي الجيش و أنا هنا برضة بسجل أني لية بعض أعتراضات علي الجيش بس مش نازلة يوم 27 مايو لأني شايفة أن الجيش هو أخر دروع الحماية بعد ما الشرطة خلعت العقل بيقول نصلح مش نبوظ و مع ذلك هما مين فوضهم علشان ينزلوا يتظاهروا ضد الجيش،،،، باسم الشعب و مين قال أن الشعب كلة متضايق من الجيش،،،،، و كانوا فين بسلامتهم و مانزلوش يتظاهروا لما المسييحين أخدوا علي دماغهم في الكنايس كان نفسي يتنحرروا و ينزلوا يتظاهروا علشان يوروا السلفيين قوتهم و لا هما مع اللي بيعملوة السلفيين و لا أية أنا عايزة حد يفهمني كانوا فين من أعمال البلطجة و الناس بتندبح و هما قاعدين ببدلهم علي الفضائيات كانوا فين و السلفيين بيطرودا الستات من بيوتهم علشان شكيين في مشيهم و لا هي الحكاية وصول للسلطة و بس ؟؟؟ انتوا فين من الشعب الغلابة؟؟؟؟ فين من الناس اللي أزمة السولار جايلها في أكل عيشها ؟؟؟ عايزين أية تاني مش كفاية لحد كدة ؟؟؟ كمان حتطفشوا الجيش؟؟؟ و بعدين الناس حتاكل و تشرب إزايلو الجيش هو كمان خلع،،،، حنعمل أية ساعتها فكروا في الناس شوية و كفاية لحد كدة إحنا استوينا بصوا علي الخطر اللي جوة حرام عليكوا أنتوا مش لوحدكوا في مصر .......... أفتكروا إعلان أنظر حولك
و فعلا ربنا يستر

http://www.dostor.org/politics/egypt/11/may/21/42934