مصر

مصر

Friday, January 12, 2007

أمجاد يا عرب أمجاد

الجمهوركية

أضاف لعرب للحضارة كثيرا العرب أخترعوا الصفر و علم الأجتماع و كانوا روادا في الكيمياء و الفيزياء و أنقطعت ريادتهم العلمية لكل حضارات العالم لقرون طويلة حتي حديثا،

فلقد أضاف العرب إضافة جديدة للانظمة السياسية الموجودة حاليا فهناك نظام الملكية و الجمهورية و الإمبراطورية و المستشارية و أخيرا إضافة أنظمتنا العربية لنظام الجمهوركية الذي هو مزيجا من نظام الجمهورية (الذي أثبت فشلة نظرا لأقتناع قادتنا العرب بعدم قدرة شعوبنا العربية النونو علي أختيار حاكمها )و نظام الملكية الذي يتيح لقادة كثير من الأنظمة العربية نقل السلطة الي أولادهم الذين تربوا في مدرستهم كما يقول كذابين الزفة اللي بيروجوا لفكر الجمهوركية و علي الشعوب العربية النونو إنها تبوس إيدها شعر و دقن زي ما بيقول اللمبي و تحمد ربنا إن قادتها عندهم هذة النظرة الحكيمة و التفكير بعيد المدي في الشعب الغلبان اللي مش عارف مصلحتة فين

أما بقي الستات في القضية دي هما دور الكومبارس الصامت لأن الموضوع من أولة لأخرة رجالة في رجالة لا عمر ست حتورث الحكم و لا حتي حيتاخد رأيها و أشمعني هي يعني اللي حتقول رأيها ما إحنا عندنا شعب كامل مليان رجالة بشنبات محدش بيقول فية رأية

و لا حياة لمن تنادي

8 comments:

micheal mohsen said...

تصدقي أن العرب زمان كانوا أحسن في كل حاجة بدليل أن شجرة الدر مسكت حكم مصر في توقيت صعب جدا بعد وفاة الملك الصالح و مصر بصفة خاصة كانت يمكن أول دولة تمسك امرأة الحكم فيها أيام الملكة حتشبسوت اللي كانت فترة حكمها من أفضل فترات الحكم في تاريخ مصر الفرعوني بس للاسف احنا اللي عملنا في نفسنا كدة دلوقتي و ذلك لاستسلامنا لافكار متخلفة حتي تحكمت فينا

Mohamed Hamdy said...

كالعادة موضوع جميل , هو يمكن الموضوع تقليدى لكن التناول كان ممتاز جدا منك

هو قبل منفكر فى إننا نحجز للمرأه مقعد فى الحكم - أو حتى الحكومه - لازم نفكر إزاى نشيل الفكرة الأزليه الخاطئه إن المرأه أغبى وأضعف من الرجل , وإنها غير قادرة على أن تتصرف مثله - وأفضل أيضا - فى الكثير من المواقف ...

عندها فقط , نستطيع أن نضع المرأه فى منصب القيادة ... بدايه من التدريس - وقد رأيت بنفسى كيف أن بعض الأباء لا يرسلون أبناؤهم لأخذ دروس خصوصيه لدى مدرسات سيدات فاضلات - وحتى مقعد رئيس الجمهوريه شخصيا ...

تحياتى لقلمك المتجدد وفكرك الناصع .

أنـــا حـــــــــرة said...

طب عيب عليكى بقى
الستات كومبارس صامت ازاى
امال مين اللى بيزغرد و مين اللى بيصوت

غطينى و صوتى بقى

Memo said...

من كام يوم شفت الستات في الامرات و هما بيخدو اراهم في البرلمان عن المقاعد الخاصه بيهم و نسبتها و كان ملفت الانتخابات التي جرت مؤخرا هناك نسبه المشاركه العاليه للمراء في العمل السياسي
عقبالنا

el2ahwagi said...

Nezam elgomhorkeya hadafo enno mayeshghelsh elnaas be meen haykoon elra2ees elly gai fayetfarragho leshoghlohom w bas.. :)

amma amal elsettaat felre2asa momken ta7aqoqo...bas ed3o ra2ees tekon khelfetto kollaha banat..w mafeesh 7aga be3eeda 3ala rabena..!

whyme said...

جميل جداً الاسم ده وفعلاً مناسب جداً لكل انظمتنا العربيه

و كمان معاكى فى نظرة الحكام لينا على اننا لسه نونو بس بينى و بينك احنا فعلاً لسه نونو و منعرفش نختار قادتنا و ده مش عيبنا لوحدنا ده دليل الفشل الزريع لحكامنا و الكمان السبب الرئيسى و الاساسى لتخلفنا و كمان ده اهم نقطه مفروض علشانها حكامنا يعترفوا بفشلهم

لان مثلاً لو سابونا دلوقتى نختار حاكمنا بطريقه ديمقراطيه بحته هتكون النتيجه اننا هنختار مهدى عاكف هذه الشخصيه المتعفنه التفكير
المشكله اننا لسه نونو بس كمان مش لاقنا الى يربينا صح و لو فضلنا مع مبارك عمرنا ما هنكبر خطوه بس لو بقينا مع عاكف احتمال نصغر اكتر

و محدش فاهم حاجه

maf2ou3a said...

thanks to all of u guys for commenting i am sorry for not having enough time but i appreciate ur interest

Guevara said...

loooooooooooooooooooooooooooool
walahe ya bente ente agda3 men met ragel be el kelmeten el gamden ddolll ,,


ta7eyate leke ya maf2o3a :D