مصر

مصر

Friday, December 22, 2006

الستات في بلدنا 3:

إستكمالا للبوست السابق،
حكاية الأفكارالمتخلفة دي أصلها مش وليدة اللحظة ولا من كام سنة بس هي اللي غيرت الناس، الحكاية بدأت من قبل كدة بكتير بحركات تحرر المرأة في القرن قبل السابق بدأ من قاسم أمين ثم الشيخ محمد عبدة مرورا بالعديد من النساء و الرجال علي رأسهم هدي شعراوي و سيزا موسي الذين قاموا بعمل تغيير فكري حقيقي في فكر المجتمع المصري و التغيير ماكنش تغيير لبس زي بتوع الإسلام الوهابي ما بيقولوا ، لا التغيير كان تغيير عقول أولا ، محاولة تغيير فكرة إن الست مجرد نبات زينة لازم يتحط في الظل علشان يعيش الست بفضلهم أتعلمت و دخلت الجامعة و قدرت تعمل كل شيء هي عايزاة و هي اللي قررت تقلع الحجاب ، خرجت للدنيا و عملت صالونات ثقافية و أصبحت أديبة و شاعرة ثم عالمة ذرة هي الاشهر في تاريخ الوطن العربي (سميرة موسي ) ، و بعد كدة جاء دور الثورة و مع أني لم أكن ابدا من المؤيدين للثورة المجيدة (قوي) نظرا لانها بلتنا بأشكال ما يعلم بيها إلا ربنا لكن و مع ذلك محدش يقدر ينكر فضل الثورة علي وضع الستات في مصر.

الثورة شجعت تعليم الستات و دخولهم الجامعة ، اول وزيرة مصرية و عربية كانت في عهد الثورة (عائشة راتب) ،وتم الموافقة علي دخول المرأة البرلمان في عهد الثورة ، وكانت أحوال المرأة فعلا في الوقت دة تنبأ بتغيير حقيقي سيحدث في وضع المرأة في السنوات القادمة، و لحد كدة و كانت المسالة ماشية كويس ، لحد حرب الست أيام اللي أحنا هنا بنسميها النكسة ، وكانت فعلا نكسة علي كل المستويات، أهمها بالنسبة لي موضوع حرية المرأة، الناس بعد أنهيار الحلم المصري بحدوث الحرب بدأت تسافر برة مصر و اهم البلاد اللي أستقبلت مصريين علشان تستفيد من خبراتهم كانت دول الخليج السعيد ، و راحو المصريين هناك و بدأت أول فلولهم بالرجوع مع الأنفتاح في منتصف السبعينيات ورجعوا و معاهم وباء أخطر من وباء الكوليرا الي رجع بة الحجاج المصريين في الاربعنيات ، رجعوا بالهنا كلة رجعية و تخلف و وهابية، و مباديء جاهلة ، و دخل الحجاب مصر في أواخر السبعينيات و طبعا بفضل توفر مناخ كان الفضل فية للنظام في هذا الوقت الذي سمح بظهور التيار الديني في الجامعة مع خنق جميع التيارات الفكرية الأخري التي أعزي اليها بعض الفضل في وضع المرأة سابقا ومارس التيار الديني الجديد الإرهاب في الجامعة علي الطلبة و الطالبات و الإرهاب الذي أتحدث عنة ليس فكريا فقط بل إرهابا جسديا أيضا، اصبح إرهاب الطالبات الجامعيات يحدث عيني عينك في الشارع .

المهم أن الناس اللي كانت الأول تستهجن صورة الحجاب أصبح الموضوع بالنسبة لها شيء عادي و أصبح دلوقت إنك تشوف بنت مش محجبة هو دة اللي مش عادي و أرجع و أقول إن الحجاب بردو مسألة شخصية، اللي عايزة تتحجب هي حرة لكن ما تبصش من فوق لتحت لغير المحجبات، بس المصيبة فعلا لما يتعدي الموضوع الحرية الشخصية و يوصل لتحريم كل حاجة حلوة الفن حرام و الاغاني حرام و الرسم حرام و النحت حرام و الستات حولوها ذوات الذقن لفتنة، وكارثة في طور التحضير تمشي علي قدمين ، جعلوا المرأة تأتي علي شكل شيطان و أفتوا إن خروجها لا يكون إلا من بيت أبوها لبيت جوزها وللقبر بعد ذلك (فتوة الشيخ محمد قطب أحد أقطاب الفكر الأخواني) ، يعني تظل رهينة حبس أبوها و زوجها و أولادها طوال العمر،في ذل أكثر من كدة أنك تحول بني آدم كامل لشبح أسود مش باين منة حاجة، و كأنها سلعة بلا عقل لا تستطيع الدفاع عن نفسها ، قبل ما تحولها قنوات الأغاني الفضائية لسلع معروضة علي شاشاتها زي ما بيتهموها ، يا جماعة التحرر الجنسي (و لو إنة لا تحرر و لا نيلة الناس دي باين عليها مال بتشوفش القمر الأوروبي ولا أية) المهم الهوجة اللي حاصلة مش نتيجة أن اللي بتعرضة القنوات دي محتواة مثير قد ماهي مشكلة عقول زي ما قلت في البوست اللي فات ، الناس قعدت تلاتين سنة من أواخر السبعينات و الثمانينات و التسعينات في حالة من الكبت، و تحت رقابة التليفزيون المصري اللي بدورة تأثر بالخليج السعيد في الكبت بكل أنواعة سواء كبت جنسي أو سياسي أو ديني، علشان التليفزيون يقدر يبيع للدول دية ، فلما أنفتحت الدنيا و بقي في حرية فضائية و اللي عايز يعرض حاجة يعرضها و اللي في نفسة كلمة بيقولها الناس جالها حالة صدمة ما بقتش مصدقة عينيها ، حالة النفاق و التزويق اللي كنا عايشينها إنكشفت ، و كلمة كلة تمام وإن الناس سعيدة و مافيش مشاكل بقت نكتة ، و أخيرا المثلث الأخير الجنس ، الشعب العربي أكتشف إن بناتة اللي كان شايفهم و حشين و ستات أوروبا أحلي منهم ،طلعوا مزز(آسفة علي إستخدام هذة اللفظة) ، و إن الجنس موضوع عادي ماهواش تابو Tabooو لا حاجة ، و اللي كان بيحصل في الستينات و السبعينات و سموة مشايخ التكفير إنفلات بيرجع تاني ، المشكلة عن التحرر بتاع فترة الستينات و السبعينات كان سبقاة عملية إعداد فكري كاملة للبلد ماكنتش صدمة زي ما هو حاصل دلوقت و كانتش محصورة في بس جنس ، كان في فكر و تعليم و ثقافة أة هما المثقفين و قتها كان بيتقبض عليهم بس أهو علي الأقل كان في تيارات ثقافية ، لكن إحنا دلوقت و الحمد للة زي طور اللة في برسيمة ، فطبعا لازم اللي بيحصل دة يسبب صدمة .

و لحوارنا بقية

16 comments:

IBN BAHYA said...

أولا أرق تحية
ثانيا آخر جملة تحتاج إلى تصحيح لوي شرعي كمان لأن الله ليس له تور معين
الجمله الصحيحه
تور لاهي في برسيمه
يعني ربك ما لوش دعوه خالص بالجمله ديه

أما الموضوع الجميل ده فيحتاج إلى كثير وكثير من الردود والتوضيحات
ما ذكرته حضرتك وحصرتي الحجاب والحشمة في الإسلام الوهابي غلط

طول عمر مصر محتشمه ومحجبه مسلمين ومسيحيين . ده لبسنا التقليدي .. لبس ولاد البلد والباشوات وكله

لو شفتي فيلم من بتوع زمان ولا مسلسل بوابة الحلواني وأيام الخديوي كنتي تعرفي أن النساء عندنا في الأزقة والقصور كن يرتدين هذا الزي المحتشم

ولا علاقة لهذا الاحتشام لا من قريب أو بعيد بقدرات المرأة العلمية ولا الأدبية ولا أي قدرات من أي نوع

وما حدث من تغير وخلع للحجاب كان في النصف الأول من القرن العشرين بلا أي علاقة بالدين أو التدين ، وكان على يدمجموعه المتفرنجين الدارسين في أوروبا ولعلم حضرتك أول سيده خلعت الحجاب كانت زوجة سعد زغلول في إحدى الحفلات حين ناداها وخلع عنها الطرحه وقد كانت النساء في ركن والرجال في ركن آخر

ورجوعنا إلى الطرحه والحجاب ده رجوع لجذورنا وتقاليدنا .. يعني طلعي الإسلام الوهابي من الموضوع حتى وإن كان يتفق مع هذا الزي أو ذاك فهي دعاوي الجماعه الحلوين بتوع الليبره والليبرالية اللي ما يعرفوش منها غير كاس ومزه (آسف برضه لهذا اللفظ) وكأن الليبرالية هي كده وخلاص
مع أن الليبرالية بدأت ومازالت مذهب اقتصادي عالمي مش مذهب فاشون وموضه وماركات خمور

أرق تحياتي
والسماح على المداخله الخشنه دي
تحية للجميع

شادي سعيد said...

عايز كل الناس تعرف مدونتك
عايز اصحابك يوصلوا لمدونتك بسهولة
ضيف نفسك في ارشيف المدونات العربية


http://arabblogs.blogspot.com/
ارسل لنا اسم مدونتك و عنوناها و اسمك
في ايميل او كومنت على
http://arabblogs.blogspot.com/2006/12/blog-post.html
ابعت نفس الرسالة دي لكل اللي تعرفهم

maf2ou3a said...

dear ibn bahaya

u have expressed u r point of view about hejab in which i do respect but:
why does 7eshma has to be always women wise leh el setat lazem yelbsou el 7egab we leh el e7tram marbout bel hejab
and again if returning back to hejab is returning to our customs (3adatna) then its returning a step back not making a progress right ??
if we managed to get over this old traditions why go back is it women responsibility only to maintain respcect and 7eshma dah iza kan el hejab aslan lel 7efaz 3ala el 7eshma mesh letanzel ell seet daraga 3an el ragel

yes hejab has nothing to do with women thinking capabilities but it does have to do with her personality it strengths her own feeling of shame of her self of her body and again why cover our heads if God created us that way and why doesnot men cover thier heads too why does it have to be women who are the source of temptation

micheal mohsen said...

mafou23a:
you wrote a very nice impressive post about how was the change in egyptian traditions all over the previous 50 years..I do agree with you tht immigration 2 gulf countries had a negative impact on Egypt when those immigrants returned and also, I believe tht the current hard situations we r living in ll push more youth 2 adopt such radical deterriorated view towards women

Pharaoh said...

كعادة المسلمين الأبدية في رمي الأتهامات و تجريح الأخر بدون معرفة .ابن بهية الحجاب و الأحتشام و الميكرو جيب كان موجود في مصر فعلا لكن كان في حرية الملبس و الحجاب كا فعلا حاجة مش شائعة و غريبة زي ما أهلنا كانوا بيقولوا و أكيد أهلك برضه قالو كده-ده لو كانوا طبعا من سكان المدن-ما كانش حد يبنظر للمرأة النظرة بتاعة دلوقتي.أنت مثلا تحب تشوف واحدة محجبة حتي لو كان حد بيحسس عل جسمها علي الكورنيش.لكن متحبش تشوف واحدة شعرها باين حتي لو كانت محتشمة و الأفلام بتاعت زمان كان الحجاب رمز للأحتشام و الوقار لكن دلوقتي فرض غصب عن عين أي حد.جذورنا و تقاليدنا ايه اللي احنا رجعنا لها؟الجذولر الأسلامية؟طب ما المصريين ما كانوش مسلمين اصلا؟طب ما نرجع للجذور المسيحية أو الفرعونية.و الا انت عايز ترجع للجذور اللي علي مزاجك؟
الليبرالية أو العلمانية أو أي مصطلح تحبه مش فاشون و ماركات و خمور لكن بتظر للمرأة نظرة ادمية ,متعتبرش شهادتها نصف شهادة الرجل,مبتوصفهاش بناقصة عقل و دين,متلعنهاش ملائكة الليبرالية لو منفذتش رغبات زوجها الجنسية بدون أي اعتبار لرغباتها و مشاعرها,لم تخب أمة الليبرالين عندما ولوا عليهم النساء,الليبرالين موضوعوش النساء و المتاع و المال في خانة واحدة,الليبرالين مقالوش الرجل ممكن يطلق 3 مرات و الست هي اللي تتحمل النتيجو و تدور علي محلل علشان خاطر عيون الزوج و اللي بقي موضوع تتندر به الأفلام,الليبرابية لم تنظر للمرأة علي انها رجس يجب غسل أيدينا بعده اذا لمسناه.
العالم الأخرى:

تفرّغ الرجل ولا زال متفرّغاً منذ ألف وأربعمئة سنة للبحث في جواز أو عدم جواز زواج المتعة، أو في حلال أو حرام رؤية الرجل لزوجته عارية وقت الجماع وما شابه ذلك. لا بل أضاف إلى مشاغله المهمّة في هذا العصر الحديث، البحثَ في كل اكتشافٍ أو اختراعٍ علمي تصل إليه الأمم الأخرى الأدنى قيمةً، ليبحث في تراثه الإلهي ما يؤكّد للعالم بأنّه ليس هناك من اكتشاف أو اختراع إلا وقد سبقه إليه القرآن والحديث!
انت طبعا متضيق للفظ الأسلام الوهابي لأنك ببساطة بتمارسه بمنتهي البراعة. ,

Girl4cairo said...
This comment has been removed by the author.
الزعيمة said...

maf2ou3a

انا لا اوافق على التشدد فى اى شئ ولا فى اى عقيده
ولكن كما اننا نطالب الحرية للمرأة ان تخلع ما تشاء فهى ايضا لها ان تلبس وتحتشم كما تشاء

الملبس ليس له اى علاقة بالتقدم ولا تحضر ولا الثقافة لانها تتعلم بعقلها وتتكلم بلسانها وليس بجسدها

الفراعنة كانوا مقللين فى ملابسهم ولكنهم بنوا حضارة وكذلك نساء افريقيا ماشيين قالعين كل حاجة ولازالوا متخلفين

من يري ان ما تلبسة المراة من حجاب او حشمة سبب فى تخلفها هو مثل من يقول ان تبرج المراة سبب فى تخلفها


واسمحي لى ان اعلق على كلام
Pharaoh

من شروط الحرية والاخلاقيات التى ننادي بها ان نحترم الاسس الدينية للجميع
لن ارد عليك فى مغالطاتك بالكثير مما قولتة لان هذا ليس ساحه لمناقشة ما كتبت ولكن فضلا للينادون بحرية العقيده والاعتقاد ان يحترموا كل الاديان اذا كانوا يطلبون ذلك من الاخرين

ابسط شئ انت تتكلم على المحلل وهو ملعون عندنا المحلل والمحلل لة فلا تتكلم عن عادات مجتمع سيئة متبرأ منها الدين وتلصقها بالدين

فالغرب يشرب خمر ويزني ويلوط وغيره فهل انسبة لدين الدولة ؟

كما ان رجال الدين فى بعض الكنائس الاجنبية او حتي العربية اساءوا استخدام سلطاتهم وتعاليم الكنيسة هل انسب ذلك لهم ؟

من يطالب بشئ علية ان يعطي القدوه والقدره اولا على ما يطالب به

احترمني كي احترمك

الزعيمة said...

عفوا نسيت اوضح ان التحشم فى العقيده المسيحية ايضا وخير دليل على ذلك الراهبات والسيدات كبار السن اليذهبوا للكنائس نجدهم محتشمات محترمات

لماذا ان وضعت الراهبة حجاب شكرناها وان وشعته المسلمة طبقا لتعاليم دينها نهرناها ؟

دع الخلق للخالق واهم شئ لا يكون هناك فرض على المرأة فى لبسها الا ما يقبلة المجتمع

وفى مصر لا يفرض على امراة تتحجب او لا ولكن هي وحريتها ودرجة التزامها بتعاليم دينها اى دين كان

maf2ou3a said...

عزيزتي الزعيمة:

أولا:

أنا لم أوجة في البوست الخاص بي أي نقد للدين الإسلامي و لم أت علي ذكر الدين الإسلامي كدين ، إنما أنا كلامي كان بالتحديد عن المتشددين الإسلاميين و أعتقد إن أنا كنت واضحة في كلامي في هذا الصدد و هذا هو الدليل " قاموا بعمل تغيير فكري حقيقي في فكر المجتمع المصري و التغيير ماكنش تغيير لبس زي بتوع الإسلام الوهابي ما بيقولوا" يعني حددت بالأسم الإسلام الوهابي اللي من وجهة نظري اللي أنا حرة فيها أنة متشدد.

ثانيا :

"و أرجع و أقول إن الحجاب بردو مسألة شخصية، اللي عايزة تتحجب هي حرة لكن ما تبصش من فوق لتحت لغير المحجبات" أعتقد واضح في الجملة دي تأكيدي علي إن الحجاب مسألة شخصية و أنا مؤمنة بالحريات الشخصية و مأقبلش إني أضع المحجبات في قوالب و لكن ما لا أقبلة هي نظرة مجتمعنا دلوقت للبنت غير المحجبة نظرا لمصطلح معروف جدا في علم الأجتماع ألا و هو الضغط الأجتماعي اللي بتفرضة نظرة الأغلبية للأقلية اللي هي دلوقت غير المحجبات.

ثالثا:

بعيدا عن قناعاتي الدينية الشخصية البلوج دة مش بلوج ديني أو ضد ديني دة بلوج أنا عاملاة للدفاع عن حقوق المرأة فقط لا غير أما قناعاتي الدينية فهي لم و لن تطرح للمناشة هنا علي الإطلاق.

أخيرا:

أنا سعيدة جدا بالحوار معاك لأنة من الواضح إنك إنسانة متحضرة بتقبل بالرأي و الرأي الآخر و أعتقد إن دي أول درجة من درجات الديموقراطية

maf2ou3a said...

again there is nothing i d love to stress on this is not an religious or antireligios blog this is simply my own sights about womens situation in egypt it has nothing to do with religions or politics

الزعيمة said...

maf2ou3a

انا اتفقت كثيرا مع ما يتضمنة فكرك ورايك وحتي الخاص بالتشدد طبقا للاسلام الوهابي وقد انتقدتة انا نفسي فى بوست بمدونتي " الثقافة الطلبانية فى التحرش بالفراخ المخلية "

ما كتبتة كان موجه لشخص اساء استخدام الحرية ومنفذ التعبير عنها فى بلوجك وليس انتى

انا احترم دائما فكرك واخلاقك السمحه فى التعبير واحترام الغير وكلنا جميعا ننتقد التشدد مهما كان
وانا اوافقك الراي بخصوص نظرة بعض المحجبات للغير محجبة وفى قناعاتى ان لكل فرد منا الحرية العقيدية والشخصية

بعتذر عن الاطالة والاضطرار للرد على اخرين من خلال مدونتك

Pharaoh said...

الزعيمة:
الملبس ليس له أي علاقة بالتقدم و التحضر فعلا لكن نظرة المجتمعات للمرأة هي التي تحدد مدي تطوره و متقدريش تنكري أن الحجاب هي نظرة دونية للمرأة و ليس فيها أي شئ من التدين.انا بتحجب علشان أنا فاتنة و الرجال ذئاب و ده حقيقي لكن علشان ده مجتمع متخلف.
عري المرأة شء سئ و يحولها لسلعة و الحجاب نفس الشئ و اي حريات اللي بتتكلمي عليها؟هل نظرة الناس هنا للمحجبة زي غير المحجبة؟انا معرفش انتي عايشة فين و بتتكلمي علي اي اساس؟المرأة في مصر بقت مجبرة أنها تتحجب خوفا من الأهل أو المجتمع و في أماكن البنات ميقدروش ينزلوا فيها من غير حجاب .في المدارس أصبح الحجاب بالأمر لفتيات صغيرات لا يعرفون شيئا في الحياة و ما هو الجنس و الغريزة أي نفاق و اي اهانة أكثر من كده لما البنت تشب علي انها مصدر فتنة فقط!!
اتكلمتي عن المحلل و سيبتي بقيت الحاجات التانية.الأديان معظمها اساءت للمرأة و خصوصا الأسلام ,اوعي تكوني مصدقة أن الأسلام أكرم المرأة و الكلام اللي انتي بتسمعيه طول اليوم ده.و شوفي السعودية و أفغانستان و دول اخواتك في الأسلام برضه.التشدد في أي دين عمرة ما خلي ست تغطي وشها .و طبعا في ناس شايفة ان ده مش تشدد و دي حاجة عادية و أمر,ليه؟لأن الموضوع أمزجة لو قلتي لحد هجبلك دليل أن النقاب مش فرض,هيجبلك عشرة علي أنه فرض.انا ما ليش دعوة بالمسلمين بيعملوه بس المهم ان هم يسيبوا الناس في حالهم و يبطلوا النظرة الدونية العدوانية للي يخالفهم في الرأي
فالغرب يشرب خمر ويزني ويلوط وغيره فهل انسبة لدين الدولة ؟لا طبعا لكن الحاجات البشعة اللي بتحصل بتحصل بأسم الأسلام ,الناس بيزنوا و يلوطوا و ده مش من الدين في شء,لكن اقتل المرتد و اقطع ايد حد غلط غلطة ده من صميم الدين انتي بتقولي انها دولة اسلامية يبقي اللي بيحصل فيها باسم الاسلام,مسمعناش ان الناس بتلوط في استراليا علشان هي دولة مسيحية
لماذا ان وضعت الراهبة حجاب شكرناها (وان وشعته المسلمة طبقا لتعاليم دينها نهرناها ؟)
لان الراهبة واحدة وهبت نفسها للدين لكن المحجبة عايزة ترقص و تتشرمط و تشرب بيرةو سجاير و تعرف ولاد و تكدب و تنم و بعد كل ده مترضاش حد يكلمها في الحجاب و تبص للل مش محجبة علي أنها بنت كلب و تعد تحاول تهديها,ده غير أن الراهبة مكانها الكنيسة أو الدير لكن المحجبات بيقرفوا الواحد بوجودهم في كل مكان.!!.

el2ahwagi said...

Great post maf2ou3a...

I agree with you...good to see someone with this thourough view..!

ana men ra2yee en el7egaab mosh howa lob elmawdoo3... bas ana hakhdo kamethaal lelli beye7sal fe masr fe kol wa2t...

e7na sa3aat benemsek felmazaher wentooh feeha wenseeb lob elmawdoo3...
mogtama3 mansoog men 3adat wetakaleed we3o2ad mawrootha men 3osoor dalma...

el7egab mas2ala shakhseya gedan... elsett elli 3ayza telbes 7egaab..7orra telbes 7egaab..welset elli mosh 3ayza bardo 7orra...di absat el7o2oo2 elshakhseya elli lazem tekoon makfoola lelnaas...


elli mosh 7elw ba2a howa elirhaab elfekri elli 3aysheen feeh... ya3ni enenna newsem kol set mosh labsa 7egaab ennaha set fasda...da irhaab fekri... bardo ennena newsem kol set labsa 7egaab ennaha rag3eya aw motazametta.. fa da bardo irhab fekri...


ma kol wa7da telbes elli heya 3ayzah...ana mosh fahem ezay 7aga baseeta zay di teb2a 2adeya shaghla elfekr el3aam...khalas mashakel masr et7alet kolaha mosh na2es ella nelbes eh we ne2la3 eh...

ana 3agabni el post bta3ik wehtemamik be7oreyet el mar2a elli fe3lan momken tekoon reg3et lewara w daya3et sha2a 3omr naas saba2oona wahabo 3omrohom leldefa3 3an el7oreya di...

bas eza konna kamasreyeen benakhtalef 3ala absat mazaher el7oreya we heya el lebs..we2awam ba2et mawdoo3 benedeelo ab3aad seyaseya w deeneya w masooneya wiste3mareya we koshareya...w mosh be3eed yenzef 3ashanha dam 2orayeb...

ela7ra beena ennena ne3aleg gozoor el mashakel el7a2ee2eya elawel wemas2alet el7egaab sa3etha hatet7al lewa7daha...!!

shokran 3ala gor2etik...!

maf2ou3... !! lol

ابن مصر said...

اولا الحجاب ده نوع من انواع الحرية الشخصية يعني زي اللي مثلا يربي شعره او شنبه او يحلق زلبطة او يمضغ حتي لبانة لكن المشكلة انه تحول لنوع من التفرقة العنصرية او علامة لفصل الناس عن بعضيها يعني المحجبات هما الانقياء الشرفاء المؤمنات والغير محجبات هما بتوع الدعارة وقلة الادب يعني بقي الحجاب حاجة زي صكوك الغفران حتت قماشة تتحط علي الدماغ تعطي صاحبتها منزلة اجتماعية اعلي... وبالطبع يلعب الاكراه دور كبير في زيادة اعداد المحجبات ..ليه مكنش في حجاب ايام الخمسينات والستينات؟ اسألوا عبد الناصر اللي الاخ ابن بهية معلق صورته

IBN BAHYA said...

كل سنه وكلنا أحسن من كده
كل سنه ومصر محرره
كل سنه والعرب صاحيين
كل سنه والمسلمين مصحصحين
كل سنه ووو حاجات كتير أوي

أرق تحياتي

IBN BAHYA said...

الأخت العزيزه
maf2ou3a
لك أرق تحياتي
وأعتذر عن الرد على السيد
Pharaoh
لسبب بسيط يراه الجميع هنا

الأخت الزعيمه
أشكرك وأحترم رأيك ورأي الأخت
maf2ou3a

وأتمنى من الجميع
مراجعة قول فولتير
((انني أخالفك الرأي, ولكنني مستعد للتضحية بحياتي من أجل حقك في التعبير عن رأيك)) كلام جميل .. لكن كثيرين ممن قرأوا نصف صفحة جريدة صفراء غيرو آخر ضمير في العبارة فصارت العبارة كما يلي ((انني أخالفك الرأي, ولكنني مستعد للتضحية بحياتي من أجل حقك في التعبير عن رأيي))

يبدو أن لدى إخواننا المتليبرين أو مدعيي الليبره عقدة أزلية في الضمير والضمائر ..

بالمناسبه .. ولدت وعشت ومازلت ناصري ولا أعتقد انني سأتغير .. هذا للعلم فقط