مصر

مصر

Friday, December 1, 2006

الستات في بلدنا :

منذ كنت طفلة و أنا مستغربة من علاقة الراجل الست في بلدنا، و الاطفال خاصة لأنهم لسة مابيكونوش كونوا عقد الكبار بيكون عندهم أسئلة بديهية زي مثلا: ماما هو لية بابا مش بيعمل الشاي لنفسة؟
أو ماما هو لية بابا مش بيغسل طبقة زي ما علمتينا أن كل واحد منا يغسل طبقة؟ بدأ التساؤل عندي بتلك الاسئلة الصغيرة ثم نضجت الأسئلة معي إلي لمذا منعت من العمل يا ماما و لماذا من حق أخي الخروج كل يوم و أنا لا
و توصلت بعقليتي الصغيرة أن هناك تفرقة بين ارجال و النساء في مجتمعنا، و ان النساء مقهورات، و بسذاجتي كنت مقتنعة ان النساء لم يجدوا من يعلمهم أن مثلهم مثل الرجال، حتي كانت مناقشاتي مع بعض من الستات، وجدت أن لدينا ليس فقط أجيال من القهر الأنساني للسيدات في بلدنا بل ميراث من التخلف المزروع في عقول تلك السيدات، كنت بتكلم مع واحدة ست مرة و بقولها برافو أنك قدرتي توفقي ما بين العمل و البيت بدليل إن بنتك من المتفوقين أبتسمت و قعدت توصيفلي معانتها علشان تحقق التوازن دة ما بين البيت و الشغل و متابعة أولادها فمدحتها و أن سعيدة بإنجازها و إذا فجأة و جدت زوجها ينبري قائلا و ان يا هنم ماكنش ليا دور و لا أية فوجدت الست أنتفضت مذعورة ثم وجهت كلامها لي كمن راجعت نفسها و تذكرت حجم الخطأ الذي أرتكبتة و قالت طبعا زوجي هو اللي لة الفضل الاول بمساندتة و مساعدتة ليا قلتلها طبعا الاسرة مش بس أم الاسرة أم و أب في التربية قالتلي لا الأسرة أب أكتر من أم قلتلها أنا و كنت قد أستشط غضبا من الارهاب اللي حصلها و قلتلها يا ستي الأسرة أب و أم بالتساوي مش راجل أكتر من ست، قالتلي بس هو عماد البيت ، رديت البيت بيقوم علي عمودين، المهم الراجل دة بقي بدأ يتكلم عن فتوحاتة و نجاحاتة قلتلة و أية دور المدام بقي في كل اللي حضرتك وصلت لية يعني ساعدتك إزاي، لقيتة مش لاقي رد يقولة ثم أرتجل كدة و قال اة طبعا الزوجة الصالحة دي أحسن حاجة الواحد ممكن يرزق بيها و كان دة كل تعليقة عن الست اللي أرهبها علشات تتكلم عن دورة و تضحياتة في نجاح هذة الأسرة ، و أخيرا كانت أزمة الحجاب الأخيرة ، الحجاب يا جماعة عندنا مش مشكلة دينية دة مشكلة أجتماعية أنا أعرف بنت أتحجبت بعد خطوبتها طبعا هو أشترط عليها الحجاب المهم قابلت خطيبها في حفلة عملاها الشركة اللي بيشتغل فيها كان مناعها من الكلام مع أي من زمايلها الذكور بحجة أنة بيغير، و فوجئت بية بيسلم علي زميلاتة البنات بالقبلات و الاحضان وقتها ذهلت وواجهتة قالي دي طبيعة عملي و بعدين أنا بخاف علي مراتي و ماحبش حد يلمسها الأدهي من دة أنها كانت عارفة و موافقة و شايفة أن الراجل لة حريات مش من حق الست أنها تتطالب بيها، و بالقياس علي كدة المناقشات اللي دارت بيني و بين بنات كتير عن أنها لازم تشتغل بعد الجواز و إنها لازم يكون لها كيانها المادي و طموحها ما تخليش حد يقولها أن مكانها الطبيعي البيت و انها تربي عيال و بس، و الصيحة الجديدة بتاعت أن الأولاد اللي أماهتهم بتشتغل بيطلعوا ضايعين في حين أنة دة مش الحقيقة لأنة كتير أوي ستات مابيشتغلوش وولادهم ضايعين يعتي المسألة مش بالقعدة في البيت الموضوع كلة موضوع إحساس بالمسئولية و أهتمام مش أكتر من كدة ، المشكلة مسح المخ اللي حصل للبنات بتوع الجيل دة ، موجات التخلف السائدة حاليا محملهم مسئولية كل حاجة حاصلة غلط في البلد يعني الجيل باظ علشات الستات بتشتغل، البطالة زادت علشان الستات بتشتغل، و كمان حوادث التحرش الجنسي زادت علشان الستات بتشتغل ، لا الستات بتشتغل علشان من حقها تشتغل هي ما اخدتش مكان حد تاني ، هي أخدت مكانها الطبيعي و حقا في أن يكون لها دخلها الخاص في أنها ما تعيش طول العمر بيتصرف عليها من ابوها ثم زوجها اللي ممكن جدا يذلها بالقمة ثم أولادها فيما بعد دة إذا قلبهم حن يعني ما ينفعش أن الستات اللي أكتر من نصف المجتع حسب التعداد الأخير يعيش طول عمرة تابع و تبقي كل مشاكل الدنيا علي دماغة لوحدة دة مش عدل أنة نقهر أحلامة بأكتر كلمة مثبطة للأمال ونقولها أنت أخرك للجواز الست زي الرلجل ماهياش ناقصة ايد ولا رجل زي ما هو إتعلم هي أتعلمت و اتفوقت علية كمان ، زي ما هو أشتغل هي كمان أشتغلت و كافحت و نجحت يبقي مش بعد كل دة نفضل نغذي عندها الشعور بالنقص و نحسسها دايما أنه مهما عملت لازم تفضل تابع للرجل ، لازم تسمع كلامة و لازم تتطيعة.


و للحوار بقية

10 comments:

Urban_Infidel said...

I wish I could read your blog. I'm sure you have some very interesting insights to share.

maf2ou3a said...

hi urban_infidel

and why cannot u read my blog, is it a language problem if it is just tell me aand i can translate what i wrote and send it to u

Girl4cairo said...

Begad, enty 3andek 7a2 fe kol elly enty bet2oleh. Yaret 7ad ye3mel belkalam dah. Howa feh a7san men el set? Men 3'erna, el regala dol walla yeswo basala, LOL! Ana maf2ou3a menhom zayek tamam!

Ba2olek eh, enty leh mosh betekteby el blog beta3ek bel englizy?

ابن مصر said...

احييكي ..بتفكري صح ..برافو عليكي.. فكري اكتر واكتر
سلام

Pharaoh said...

Maf2ou3a,i really didn't want to comment on this post,because if you took women status in Egypt you can talk for ever!!!It breaks me to see women here humilated and victims to men,religions,traditions, and are depressed psycologically and sexually.Though women are not half of the society,she's the whole society,she was praised in old religions because she brings life on earth,so your post was really painful,because it hurts me a lot to see what state the woman have become in Egypt which had great women someday evern since the days of our ancestors the Ancient Egyptians.

maf2ou3a said...

hi girl 4 cairo
i hope u r hand is healing well
although the majority of men in our society can be very stiff and untolerant but i guess we cannot generlaize thier attitude on all men i guess there are some few good men again u have my deep respect

maf2ou3a said...

ebn masr:
thanks for ur comment and coming from such an open minded person it makes me happy

maf2ou3a said...

pharoah
well u are absolutely right and this is why this not gonna be my only article on women situation in egypt nor i will stop speaking about it

micheal mohsen said...

Maf2o3a:
Unfortunately, we r living in a deterriorated patririchal masculine society which looks to females as a source of sexual pleasure to males and that vision is reflected in our drama and movies: you can find the man is chasing nice girls beforee marrying, even involving in relationships while the girl dont hnave tht right (of course, i dont mean they should have tht right ) and u can find a husband cheating his wife then at the end of film she ll forgive him 4 the sake of poor children while the opposite is impossible however, the fact tht all religions see tht whena man fault it is equal to the woman's fault but we see it one way only and give men much rights and deprive women from essential rights..look at our parliament and try 2 count female numbers ..it is a pity..see how woman ministers in our political history..tht is really a shame 4 a country like us tht once had the greatest civilization upon earth

maf2ou3a said...

i totally agree with u michael and this gonna be the theme of my second part of women rights dialogue