وقفة و نرجع لورا

تجريم الاعتصام بقرار من الدكتور عصام شرف لمصلحة من؟؟

بجد علشان مصر و لا علشان اللي في شرم الشييخ مايتحاسبوش و لا علشان المستقبل القريب اليي باينة ملامح جلاليبة و دقونة من دلوقتي و لا علشان المسئول اللي ناوي يبقي فاسد و انا لا أطعن في شرف الدكتور عصام شرف و لكن القرار يجعلني أتساءل هل اسالت المليارات المنهوبة لعاب بعض من يريدون أن يكونوا مسئولين في العهد الجديد و لكنهم خافوا من الشعب الي شوكتة قويت أحسن يتكلم و يبعبع معاهم زي اللي قبلهم ام خوفا من أن يبطش امناء الشرطة بالاستقرار الهش اصلال و لو هو الخوف فعلا من أمناء الشرطة لية ما تقبضش علي أمناء الشرطة اللي ولعوا في الوزارء و روعوا الناس لية ماتقبضشي علي الناس اللي كانت راكبة عربيات الامن المركزي الي دهست الناس فوق كوبري قصر النيل يوم جمعة الغضب و لا مش عارفينهم و أخيرا الدكتور عصام شرف الرجل الذي حمل علي الاعناق في ميدان التحرير و قال صراحة لمن في الميدان أنا أستمد شرعيتي منكم و إذا فشلت سآتي لأتظاهر معاكم حيتظاهر إزاي دلوقتي إذا كان إذا كان الاحتجاج مجرم قانونا ।

هي دي الديموقراطية اللي الناس ماتت علشانها في ميدان التحرير

إحنا بكدة نبقي بنعمل علي بناء من مصر من جديد مصر يرضي عنها كل مسئول فاسد، مصر تقدر تخصي كل معترض و تمنعة من الكلام و بكدة يبقي الطريق ممهد بجد للجماعات السلفية و غيرة و غيرة علشان محدش يفتح بقة و لايعترض...و نبقي نترحم علي أيام حسني مبارك كما ترحمنا من قبل علي أيام الملك فاروق

و لا عزاء للي بيحبوا البلد دي بجد